Freuhjohr
In‘n Mai dat Freuhjohr full in Gang,
de Bööm slot ut, se sünd nich bang.
Bodderbloom‘n bleuht wunnerscheun
de Kirschen und de Appelbööm.
So schön fangt jedet Freuhjohr an.
Sommer
De Eekboom steiht in fulle Pracht,
Blitz und Dunner in de Nacht.
Bi disse Hitt kümmst licht in‘t Schweeten,
müßt Erdbeern und de Blaumen geeten.
För Minsch und Deert, de Sünn nu lacht.
Harvst
Mien Eekboom wiest nu wat he kann.
Hängt golden Blääd und Eikeln an.
To‘n Aarnten hört nu Kraft und Maut.
Wat sünd doch de Kantüffeln gaut.
Nu fangt de Arbeet richtig an,
wat mütt de Minsch bi‘t Arnten ran.
Winter
Nu steiht de Eekboom nakt in‘n Schnee
Is und Frost deit em nich weh.
Täuft in Geduld und weet bestimmt
dat, dat neegste Freuhjohr kümmt.
Sünnenstrahl und een „Juchhee“,
dat erste Greun schütt in de Höh.
Bild und Text von Gerhard Schulz, Januar 2014
