Dieser Artikel wird Ihnen präsentiert von

De Geschich iss keen Tüünkrohm. Se iss wohr!

Dat wehr in Johr 1927. Do kreech Buur Krützfeld in Bobnkleveez ehne nie Köksch. Also ein Mädchen für alles. Se heet Herta. Se köhm utt Wittmold. Herta wehr noch banni jung und sunn richdige tutige Deern fund Dörp.

Dat wehr nu en eenen schönen sünnigen Sommerdach. Meddachs Klock twölf. Do göh de Füerttut. In Nennkleveez brennt dat. De dortige Krooch stöh in Flammen. De ganzen Mannslüüd ut Dörp müssen nu loos und hölpen. Hinn no de Sprüt. Denn de Peer dor föh. Denn in Galopp non Brandherd.

Gegen Obend tunn Melkentied wehrn de Männer no nie wehr to Huus.

Fru Krützfeld sech to Herta:

„Herta loop mull gau no Nennkleveez und sech de Männer bescheed se schüld Nohuus komm.“

Herta suust ohne fehl to frogen loos. Rümm üm de Eck und wech wehr se.

No twe Stüün wehr Herta no nie wehr trüch. Wo bliff bloos de Deerm so lang? Wöhr nu frooch. Iss doch nix passert? Nu mehnt Eener: „Se iss wull weller trüch lopen no Wittmold. Se har doch sunn Heimweh.“ Öber nix door. Herta köhm mit´n Laufschritt ob´n Hoff ropp susst.

„Oh Gott, mien Deern, wo büß du bloos so lang wess? De Mannslüüd hebt nu schunn allns ferdi!“

Nu vertellt Herta:

„Ass ick föhr poor Dooch no hier köhm, heff ich in Sandkoten ann Wechwieser les: Nieder-Cleveez 3 Kilometer und door büng langlopen.“

Uns arme Deern iss nu funn hier 3 Kilometer no Sandkoten tooft, fun door 3km no Nennkleveez. Datt sünd hin und trüüch 12 Kilometer.

„Wenn du Herta biet wechlopen no rechts statt no links schestert weers, denn hars een Wiespoohl funn wo obstöh: Nieder-Cleveez 1 Kilometer. Also in Taukunft, nie so jibberie, ümmers eers kiegen!“