Wie hebt hier Vadder, Mudder und Klein-Addi. Richdi heet Addi „Joachim“. An und vörsick iss Addi een nüüdlichen Jung. He dörf sick allns erlauben. Kuum dat he sein söten Mund opp mogt, wüß Mudder schun, wat he wull. Jeden Wunsch kanns ut de Ogen läsen.
De Dree, Vadder, Mudder und Addi, harn nie fell in de Supp to krömen. Vadder har keen Arbeit. Mudder hölpt aff und tau ind Krankenhuus in de Köök. Funn hier bröch se mannimohl, so ünner de Schuud verstecken, beten Eeten mit. So schlögen de Dree sick mehr schlecht ass recht dörcht Läben.
Vadder, sein Nomen iss Korl, iss’n Fröhobstoer. De Sünn iss no nie gans door, denn schees he schun mit’n Korf ünnern Arm dörch de Gegend. Hinn no de Kantüffelkubbel. Ünn in de Lung, wo emm Nüms seehn kunn, wehr sien Ziel. Schnell de Hacker utpackt und denn güng loos. Ruck zuck wehr de Korf full.
De Plaggen, wo de Kantüffel obbuddelt sünd, wöör ümmer gröder. De Buur hard all lang markt. Een Morgen, iss noch schummerie, iss Korl weller and morachen. Sien Gedanken wehrn gans woanders. Vielleicht in de Heimat? He har nix komm hört, har nix seehn. Deeb secht ne Männerstimm gans luud: „Guten Morgen, wad mog de denn hier?“ Korl sien Hard rutscht in de Büx. In Sekunden roost nu Dusend gaude und schlechte Gedanken dörch sein Kopp.
Nu moog he dat enzigs richdige, sien Anwort! „Guten Morgen! Ick nemm Kantuffeln ob.“
„Dörft Se dat?“
„Neeh, dat dörft ick nie. Öber ick heff Hunger!“ Nimmt denn fuln Korf und haud aff. De Buur lött em lopen. Is denn uck nix no kommen.
Lütt Addi iss nu konfirmiert. Krich ne Lehrstell ass Autoschlosser. Anfangs löpt nu allns gaud. Denn füng he an to gammeln. Kümmt jeden tweten Dach tolood to Arbeid. In de Berufschaul löd he sick gorni seehn. Speelt ümmer öfter krank. No twee Lehrjohr schmid sien Meister emm ruud. Öber soveel har Addi schun lernt, een selbst tosomm geschaustertes Motorrad kunn he sien egen nenn. Dat löpt wie Deubel kumm ruud. Funn morgens bed obends knaddert Addi dörcht Döörp.
No, frocht man sick, wo har he bloos dat fehle Geld heer? Denn sunn Motor löpt doch nie mit Woder. Und Benzien koss nu mull Geld. In twee Lehrjoor kann man sick doch so manches affkicken. Und datt hett Addi. Man mutt nur’n Kanister und’n Schlauch hemm. Denn mutt dat Düster sien. Nu fehlt noch’n Parkplatz mit Autos. Wenn ditt allns door iss, denn geid gans eenfach. Tankverschluss affdreid, Schlauch rinn, ansugen und lopen loden. Denn rinn inn Kanister. Dat allns. Mehr nie!
Durt uck nie lang, door harns em bie de Büx. Nu werd ud mit rümmkajoln. Öber wad schald. Een Führerschien har Addi sowieso nie. Nu mutt he wad aneres söögen. So tun Tiedverdrief. Vielleicht find je jo wad. Wüld mool afftöben!
