Kinner, secht de Mudder Has, putzt nochmol jüch lütte Näs
mit dat Kohlblatt-Daschendauk. Hebbt jü Handy, Reekenbauk?
Sünd ok jüche Poten rein? Pakt doch jüchen Ranzen fein.
Passt gaut up, fallt nich in’t Water. Tschüss leev Mudder , denn bit‘ later!
Hans und Greet hüt ganz ohn Not, gaht vergneugt so Pot in Pot
dörch den’n bunten Wischengrund.
In de erste von de Stunn hebbt de Hasen Plantenkunn.
De Schaulmeester frogt nu in de Runn: Welk Planten sünd för’n Has gesund?
Und denn geiht an’t Malen ran, to Ostern sünd de Eier an.
NIch in‘n Sand, fein sauber up’n Rasen, so hört sick dat för’n Osterhasen!
Kiek wo ehre Ogen strahlt, wenn se de Ostereier bemolt.
Jed een Has nimmt flink mit Mot sick een’n Pinsel in de Pot
farvt de Eier witt und rund mit de scheunsten Farben bunt.
Wer dat nich kann, de dörf up Eerden nie nich Osterhas mal warden.
Frei översett ut de „Hasenschaul“ vun Hilde Schulz, Hamfelln April 2023
