Herzogtum Lauenburg (hs). Hilde Schulz aus Hamfelde erinnert sich an eine Begebenheit, die sie kürzlich erlebt hat und teilt ihre kleine Geschichte mit einem Gruß an die Leserinnen und Leser von Herzogtum direkt: Hütt gift dat wedder mol een lütt Geschicht, det ik kottens beleevt heff ut de Urlaubstied…Veel Spoß bi’t Leesen wünscht jüch
Oh wat is dat fein, endlich verreisen mit de ganze Familie. Ja, uns Nahbern mokt dat girn und dat is ok gaut so.- Min Gerhard und ik, wü beiden sünd nu to old to’n Reisen, wü blievt gern to Huus und dorüm köönt wü jo ok den een orer annern Nohber sien Huus een beeten uppassen und hebbt den Huusdöörschlötel. As dat so is mit de niemaudschen Huusdöören, wenn de mol tauweiht orer sowat passeert, denn kannst du ohn Schlötel dor nich wedder rin. Also flink no Hilde orer Gerhard röver und dien Huusdöörschlötel holn – und ok glieks wedder affgeeven…. Letztens wör dat noch een beeten bunter, de een Nohbersch harr ehren Schlötel in’t Huus, ik heff ober keenen för ehr Huus, süso wat nu ? Ober du hest doch een Schlötel vun den annern Nohber, de grad verreist is, und de hett eenen vun mien Huusdöör, ik weet ok wo he hangt, denn hol ik mi dor kott rut – und du krichst den Schlötel glieks wedder.
Wat schall ik seggen , dat hett fein klappt, all Döören güngen up und tau und nümms is to Schaaden kamen. Ik sech jo jümmer: dat geiht nix över eene gaude Nohberschap! Beleevt un upschreeven vun Hilde Schulz ut Hamfelln in Sommer 2023.
