Bie de Familie Puten wehr Generationswechsel. Puten de Twede öbernöhm de Regierung. Nu kennt wie jo all datt Sprichwohr „Der Apfel fällt nicht weit vom Stamm“. Dröbt genau tau. De Twede wehr keehn Deut bedder ass de Eers. Man meehnt ümmer, bie dat Beschieden, Hinterlistigkeit und Gietz geehft keene Steigerung. Door hebt wie uns öber irrt. Nu köhm noch de Wörter Koruption und Bestechlichkeit dortau.
Dittmoohl geid datt üm de Schinken und de Wurs. De Kriech iss udbroggen. Uns Nummer „Twee“ ward Suldoot. Puten Nummer „Een“ iss doröber banni unglückli und mog sick barch Gedanken: „Wie kriech wie bloos de Jung weller no Huus. Lood kossen, wad will. Wie hebt jo genoch.“ De enzige Lösung, de Partei mutt hölpen. Und wie hebt de hölpt!
Duert nie lang, so hett man beobach, stöhn öfter Autos op’n Hoff. De Insassen fein antroggen. So „hübsche“ Uniformen harn se an. Oft wöhr fiert und sobben und frädden bett spät in de Nach. Und sing kunn de. De Lüüd ob de Stroot bleben fass all stohn und hebt mit bölgt: „Ein Heller und ein Batzen“, „Die blauen Dragoner“. Dat wehr öber nur enige Leeder.
Annern Morgen. Buten iss noch schummerie. De Kinner gooht to Schaul. De seht nur dat obn Parkplatz wad komisches liecht. Se gooht neger rann, böört dat ob und secht: „Wass dat denn?“ Eene Wurs, so dörti bet verdi Zentimeter lang. De iss bestimmt een funn de Sängers ünner de Jag rut fulln. De Kinner rönnt nu wehr to huus und geehft de Wurs bie Mudder aff. „Aha“, meehnt Mudder, „mit Speck fangt man Müüs.“
Durt uck nur noch eehnige Dooch, dor wehr uns „Kriegsheld“ Puten de Twede weller bie Mama und Papa. Man har emm wegen Wehruntauglichkeit weller no huus schikt. Siene Krankenheiten? Plattfööd, Rheuma, Wodder in de Kneen. Billich iss de Kroohm öber nie worn. So manches Schwien hed doran glöben müß.
De Kriech iss nu schunn lang vörbie. Dat Läben göh wieder. Puten de Twede hett affdank. Nu wohnt he in sunn wunderschönis nie gebudes Huus. Genau neben siene fröhere Wirkungsstell. He kunn allns öberblicken. Nu iss de drütte Generatschon and Ruder. De Lohden löpt ümmer beeder. Öber nu! Dat Letz har nie kommen müß. De Een fun de drütte Generatschon will nie ass de Anner. Man vertörnd sick. Man löpt utenanner.
So, und no iss denn allns verköfft. Tunn Schluß wehr nix mehr öber. Diss Geschich heff ick, wie anfangs secht, ob fehle Sprichwöhr obbuud. Tunn End nu datt Letzte, pass genau wie de Fuus ob Ooch. Dat heet: Wie gewonnen, so zerronnen!
