Herzogtum Lauenburg (hs). Hilde Schulz erfreut die LeserInnen von Herzogtum direkt mit einer Geschichte aus ihren Kindertagen. Diese sogenannte „Schlechte Zeit“ nach dem zweiten Weltkrieg ist in der Geschichte von Hilde Schulz lebendig. Wie immer erzählt sie das Erlebte in der Sprache, die ihr und vielen anderen BewohnerInnen des Herzogtum Lauenburg schon seit der Kindheit vertraut ist – op Platt.
Disse Schnack will mi hüt överhaupt nich ut’n Kopp. Dortau mütt ick nu de Geschicht vertellen (upschrieben), woans dat so kamen is.
Dat wör in de „Schlechte Tied”, so hebbt de Grooten dat ümmer verklort. Ick wör man noch een lütt Deern, güng grad to Schaul, veel Speelkollegen geef dat nich för mi, ober doch een Deern, de woll 4 oder 5 Johr öller wör as ick. De sech denn in’n Freuhjohr to mi, „ick hefff keen Tied to’n Speelen, ick mütt Vadder helpen und „Katten puulen“. Naja, denn is dat woll so.., mehr kunn ick mi dor nich rutdenken. Katten harrn se ja twee Stück, soveel wüss ick all. Veele Johr later, mi is dat eerst infaalen, dor wör‘n wü beid old und se hett uns mol in Hamfelln besöcht mit een Fründin ut Glinn, dor kömen de beiden mit Auto und hebbt in de Waldlust Kaffee drunken. Dorna wulln se mol seihn, wat Hilde und Gerhard so mokt.
Wü hebbt uns beid freit und düchtig platt schnackt, dat gefüll ehr bannig gaut. So kämen wü up dat „Katten puulen“, Gisi ehr Vadder wör Goordner und harr een grooten Goorn. Dor geef dat Wicheln, de in’n Freuhjohr anfangt to bleuhen und lütte Katten (Kätzchen) kriegt mit „Pell“ dorüm. De frischen Twiegen hett he affschneeden, in de Köök in’t Wooder steeken und denn müss de Familie „Katten puulen“. De Twiegen hett he denn freuh morgens up den Gepäckdräger vun sin Fohrrad fastbunnen und is dormit no Bargdörp to Markt fohrt to’n Verkööpen. Dat wär wiss nicht licht ober een beeten Geld hett dat ja doch dörför geeben.
Kiek doch mol in de Knicks, dor gift dat mennigmol ok Wicheln, dat duert nich mehr lang bit de bleuht. Aber jo nich affschnieden, de Immen brukt den Pollen ganz nödig för ehre Lütten üm disse Tied.
