Herzogtum Lauenburg/Hamfelde (hs). Hilde Schulz teilt mit den Leserinnen und Lesern von Herzogtum direkt das diesjährige Muttertags Erlebnis in Plattdeutscher Sprache. Dat weer erst gistern an‘n 12. Mai 2024, ja wenn de Oma, de Opa und de Omi, de Mama und de lütt Enkelin (4 Johr old), tohoop so veel Spoß hebbt, dat Weeder gaut is, dat is doch allns wat du brukst för een Mudderdag und dat weer sooo scheun.
Vörmiddag krieg ick Bescheed ut Trittau, wü wüllt koomen und de lütt Schaukel bi jüch in’n Appelboom uphangen, passt jüch dat? Ja klor doch, koomt man girn her. Se koomt ok bald up’n Hoff, ick krieg een bunten Blaumenstruuß ut ehrn Goorn. Süso is dat anfungen, nu kümmt de Schaukel ran, erstmol tosomenklütern, dat klappt. De lütt Deern hüppt all vergneugt in’n Gorn rüm, mank all de veelen lütten Mardelbloomen… dor mokt dat Taukieken doch all Spoß. Opa is ja nich mehr so gaut to Gang, mit Rolllator geiht dat aber doch noch dörch unsen Goorn.
So, nu noch een lange Ledder ut den‘n Schuppen, denn stigt de Mama rupp und mokt de beedenTampen vun de Schaukel boben an een dicken Telken fast. Nu blots noch de twee Strippen und dat Schaukelbrett … und denn geiht dat aber los. Juppdiwupp rupp und jümmer hen und her und up und dahl. De lütte Rock de weiht in’n Wind und wü grooten Lüüd as Familie staht dorbi und freit uns vun Harten. Dat is Mudderdag, beeder geiht doch gar nich – oder wat meent jü???
Beleevt und upschreeben vun Hilde Schulz, Hamfelln 13. Mai 2024
