Herzogtum Lauenburg (pm). Hilde Schulz aus Hamfelde erinnert sich an die Feste in ihrer Jugendzeit und teilt ihre kleine Geschichte mit einem Gruß an die Leserinnen und Leser von Herzogtum direkt. „Hüt heff ick een ganz ooles Beleevnis upschreeben. Ick hoff mal, dat noch een poor Leeser orer Frünn sick an so’n Fest besinnen könnt“, schreibt Hilde Schulz.
Een Geschicht ut mine Jugendtied in Lüttensee
Sommer wör dat, scheunes Weeder und Ferientied. An’n Grootensee, in’n Strandwech (dummols geef dat den’n Namen dorför noch nich), dat wör min Tohuus. Ick weet noch, dat geef een Strandfest an’n Nordstrand, Schlossbarg, dat Lokal mit Danzsaal harr dagsöver een Klapp (Finster), dor kunnst du Mili-Ies kööpen und Sinalco (mit Strohhalm) und sowat allns kregen. Een Bademeester harrn se ok, een Bootsstieg und een Boot ut Holt för den’n Notfall. Een Telt wör upbuut to’n danzen und fieern. Een grootes Flooß harr de Nico up Waater för dat Füerwark üm Middernacht.
Een huupen Minschen ut de ganze Gegend harrn Spoß, hebbt sungen und danzt und baad. All kömen se mit Fohrrad, Autos wörn fast nich to seihn. Dortau is mi de Schlager vun de Tied infulln, ick wör ja noch Hilde Fischerund dorüm hebbt wü luut sungen: De Fischerin vun’n Grootensee, dummols wör Platt nich fein, dat güng för de jungen Lüüd blots up Hochdüütsch. (Anmerkung der Redaktion: Die Fischerin vom Bodensee ist das Orginallied)
De Fischerin vun’n Grootensee is eene scheune Maid juchhee.
| De Fischerin vun’n Grootensee is eene scheune Maid juchhee. Eene scheune Maid juchhee, de Fischerin vun’n Grootensee. Und fohrt se up den’n See rut, den lecht se ehre Netze ut. Glieks is een junger Fisch bin’n, in’t Netz vun de Fischerin. Een witter Swan – treckt den‘n Kahn – mit de scheune Fischerin up den blauen See dorhen. In’n Abendrood – schimmert dat Boot – Leeder klingn vun’n Nordstrand an’n scheunen Grootensee. | |
Nu mütt ick ober noch verkloren, in de Schaultied in Trittau (Campeschaul), dor harrn wü twei „Hildes“ in de Klass. Dat annere wör Scharni und ick Fischerin, so kunn wü nich verwesselt wardn.
Scheunen Sommerspoß för all de Leeser in uns Gegend. Wünscht Hilde Schulz ut Hamfelln
